Республика - алчыланы санындаРоссейни Экспорт арасы (РЭЦ) Регион экспорт стандартны 2025 жылны биринчи жарымында кийириуню эсеплерин туура этген рейтингни басмалагъанды. Ол онлайн-халда бардырылгъан тинтиулеге таянып жарашдырылгъанды, кеси да «Халкъла аралы кооперация эмда экспорт» миллет проектни толтурууда изленеди. Алай бла бу жол тизмени башына Новгород область чыкъгъанды. Къабарты-Малкъар Республика къыралда 15 жерни алады, Шимал Кавказда уа экинчиди, деп билдиргендиле республиканы Экономиканы айнытыу министерствосундан. Регион экспорт стандарт онбеш кёрюмдюден къуралады. Ол санда ма была да бардыла: стратегиялы оноула этиу, кадрланы хазырлау, инфраструктураны айнытыу, компаниялагъа себеплик этиу, халкъла аралы рыноклада экспортха онгла бериу. Ала бары да регионда экспорт бла кюреширге сюйгенлеге болгъан амалланы ачыкъ этедиле. Рейтинг а регионла бу жаны бла къалай къармашханларын, аланы жетишимлерин, энергетикадан эмда сырьёдан тышында экспортну айнытыугъа берген онгларын кёргюзтеди. «Бу стандарт битеу къыралда экспортха себеплик этеди, ол неда бу регион деп къарамай, бизнесге бирча амалла къурайды. Аны хайырындан ала кеслерини онгларын толуракъ хайырланыргъа, миллет умутха (2030 жылгъа экспортну кёбейтиу) да жетерге боллукъдула. РЭЦ-ни келечилери регионлада коллегаларына консультацияла бередиле, жангы экспорт стандартны жарашдырыу бла да кюрешедиле. Ол а 2026 жылда кийирилип башларыкъды», - дегенди РЭЦ-и вице-президенти Александр Молодцов.
Поделиться:
Читать также:
13.11.2026 - 15:10 →
Нальчикчиле – «Шахарланы сермешлеринде»
13.11.2026 - 15:10 →
Барысын да озгъандыла
11.11.2026 - 14:03 →
Жараулагъа, саулукъну кючлерге да - ахшы онгла
09.11.2026 - 13:13 →
Уллу эришиулюкде тюшген майдалла
09.11.2026 - 13:13 →
Кёп жаны бла сынагъандыла кеслерин
| ||



