Уллу хорламы уа алыкъа алдады

 Бу билдириую бизге  Тырныаууздан Моллаланы Зарета Мустафаевна, шахарны Отарланы Керим  атлы биринчи номерли мектебини школгъа дери билим берген жаны бла директоруну орубасары жибергенди. Аланы  учрежденияда сабий юйретиучюледен бири Абазехланы Жулдуз «Ана тилни  бла адабиятны эм иги устазы - 2025»  битеуроссей профессионал эришиулени регион  кезиулеринде  Элбрус райондан биринчи болуп хорлагъанды.

Жулдузну юсюнден къысха айтханда, ол Кёнделенде туугъанды, анда ёсгенди,  атасы, анасы, аппасы, аммасы бла бирге уллу юйюрде. Уллугъа, гитчеге да хурмет эте, тийишлисича сёлеше биледи. Ана тилине уллу сюймеклик жашау жолунда усталыкъ сайлагъанда  себеплик этгенди.

Юйретиучю болуп Жулдуз бизде ишлегенли быйыл онбеш жыл болады. Ариу тиллиди, аны сабийле бла сёлешгенине къарасанг, бу быланы туугъан аналары болур деригинг окъуна келеди. Аны ючюн атала, анала да анга кёп ариу сёзле, алгъышла айтадыла. Жулдуз бизни бек ышаннгылы ишчибизди»,-дейди Моллаланы Зарета.

Быйыл сентябрьде  Бурятияны  Улан-УдЭ шахарында бу эришиулени федерал даражада бардырылгъан кезиую боллукъду. Жулдуз анга хазырлана турады. Андан да  хорлам бла къайтыр деп  ышанадыла аны тенглери, биргесине ишлегенле да.