УФСБ: Ууну сатханлары ючюн жууапха тартыллыкъдыла

Наркотиклени законсуз сатыу-алыугъа къажау излеу-тинтиу жумушла бардыргъан кезиуде Россейни ФСБ-сыны КъМР-де Управлениясыны келечилери полициячыла бла бирге 42-жыллыкъ нальчикчини бла Нартандан 24-жыллыкъ тиширыуну бузукъчу ишлерин тохтатхандыла. Ала наркотиклени законсуз сатханларына ишеклик барды, деп билдиргендиле бизге УФСБ-ны пресс-службасындан.

Нальчикни шахар сюдю ала РФ-ни УК-сыны 228.1-чи статьясыны 2-чи кесегини «б»  пунктуна, 30-чу статьясыны 3-чю пунктуна, 228.1-чи статьясыны 3-чю кесегини «а» эм «б» пунктларына, 30-чу статьясыны 3-чю кесегине, 228.1-чи статьясыны 4-чю кесегини «г» пунктуна бузукълукъла этгенлерин тохташдыргъанды.  Алай бла А. Беровну эркинлиги 8 жылгъа сыйырылгъанды, ол къаты низамлы колонияда тутуллукъду, З.  Тхазаплижев а келир 7 жылны битеулю низамлы колонияда ётдюрлюкдю.