УФСБ: Тереклени кесип, уллу къоранч салгъандыла

Россейни ФСБ-сыны КъМР-де Управлениясыны келечилери, полициячыла бла бирге миллет табийгъат байлыкъны сакълаугъа бурулгъан излеу-тинтиу жумушла бардыргъан кезиуде Черек районну эки инсаныны бузукъчу ишлерин тохтатхандыла.

УФСБ-ны пресс-службасындан бизге билдиргенлерича, ала, эркинлик документлери болмай, Лескенни агъач мюлкюнде терекле кесгендиле. Алай бла этилген къоранчны ёлчеми 2,7 миллион сомдан озады.

Урван районну сюдю инсанланы РФ-ни УК-сыны 260-чы статьясыны 3-чю кесегине бузукълукъла этгенлерин тохташдырып, аланы эркинликлерин условно халда юч жылгъа сыйырыргъа, бу кезиуде ала кеслерин къалай жюрютгенлерин сынап турургъа деген оноуну чыгъаргъанды. Ол алыкъа кючюне кирмегенди.