Жашау журт бюгюн да берилмегенди

РФ-ни следствие комитетини КъМР-де следствие управлениясыны къуллукъчулары Россейни УК-сыны 293-чю статьясыны 1-чи кесегине бузукълукъла этилгенлери бла байламлы терслеу материалла ачхандыла. Регионну Жарыкъландырыу эм илму министерствосуну келечилери ёксюз эм къарар адамлары болмагъанланы жашау журтла бла жалчытыу борчларын тийишлисича толтурмагъанлары ючюн терсленедиле.

Ведомстводан бизге билдиргенлерича, 2013 жылда мартда ёксюз сабийлени къауумундан инсанны жашау журт бла жалчытыргъа кереклисини юсюнден сюд оноу чыгъарылгъанды. Алай министерствону жууаплы къуллукъчулары сюдню кючюне кирген оноуун сансыз къойгъандыла. Аны хатасындан а ёксюзлени къауумундан тиширыу бюгюн да жашау журтсуз къалгъанды.

   Следовательле шагъатланы жыйышдырыугъа бурулгъан жумушла толтурадыла эмда жууаплы органла бла бирге ёксюзлени къауумундан тиширыуну жашау журт бла жалчытыу мадарла  этедиле.