Темир ахчаларыгъызны алышсагъыз игиди

Бу айны жетинчисинде саулай Россейде «Темир ахчаны ыйыгъы» башланнганды. Аны кезиуюнде, ол а 19 апрельге дери барлыкъды, быллай ахчаланы тюкенлеге бла банклагъа элтип, къагъыт сомлагъа алышыргъа боллукъду. Аланы уа сюйсегиз, къолугъузгъа берликдиле, сюйсегиз а, счётугъузгъа ётдюрлюкдюле.

Бу акция жыл сайын бардырылады. Быйыл анга былтырдан эсе беш кереге кёп тюкен бла банк къатышадыла. Саулай къыралда аллай жерлени саны къыркъ мингнге жетеди.

«Темир ахчаны ыйыгъы» былтыр эки кере окъуна бардырылгъанды. Аланы кезиуюнде 336 тонна ахча (320 миллион сом) жыйылгъанды. Бу жумушну юсюнден толу хапарны монетнаянеделя.рф. сайтда табарыкъсыз.