Алтын майдалла бла къайтхандыла

 Железноводскда 5-6 апрельде боксдан «Хорламны жылы - 2025» турнир-фестиваль болгъанды. Быйыл ол 11-чи кере къуралгъанды эмда Уллу Ата журт урушда Хорламны 80-жыллыгъына жораланнганды.

Эришиулеге Шимал-Кавказ эм Юг федерал округладан 250-ден аслам жаш спортчу  къатышхандыла. Аланы араларында Черек районну 1-чи номерли спорт школуну боксчулары да   хорламгъа итиниулюклерин кёргюзтгендиле.

Алай бла Нёгерланы  Сулейман (60 кг.),  Исмаил Исмаилов (27 кг.), Аттасауланы  Амин (28,5 кг.), Чеченланы  Идархан (30 кг.), Атабийланы Кемран (40 кг.), Чеченланы Омар (68 кг.), Чеченланы  Осман (42 кг.), Батчаланы Эльдар (57 кг.),  Хамзат Аспиев (75 кг.),  Батчаланы Алий (52 кг.) алтын майдалла къытхандыла.

Алчыла майдалла, грамотала эм кубокла бла саугъаланнгандыла. 

Жашланы тренерле   Чеченланы Арсен бла  Сараккуланы Ренат юйретедиле.