Терекле орнатхандыла, суу жагъаланы тазалагъандыла

Бу кюнледе Къабарты-Малкъарда «Эсде тутууну терек бахчасы» эм «Россейни сууу» деген акцияла башланнгандыла.

Жаш терекле орнатыу ишге 100-ден артыкъ адам къатышхандыла. Ала юрге эм кюйрюч терекледен 400-сюн жарым гектарда орнатхандыла. Уллу, гитче да, кюнню сууукълугъуна да къарамай, магъаналы ишге эрттен бла чыгъып, къошумчулукъ этгендиле. Аланы араларында КъМР-ни табийгъат байлыкъ эм экология министри Шауаланы Илияс да бар эди. Илияс Пагоевич башхала бла тенг бу керекли ишге къыйын салгъанды.

Дагъыда ол кюн Хорламны солуу паркыны жаны бла акъгъан Нальчик черекни жагъасын тазалау акция да ётгенди. Анга 300 адам къатышып, суу ызгъа къаршы жерлени кир-кипчикден ариулагъандыла.