Эришиуге къатышыргъа чакъыргъанды

2 апреля, 2025 - 07:06

Хурметли шуёхла!

Ючюнчю апрельде «Къабарты Малкъар Республиканы Жигитлери» деген республикалы программагъа къатышыргъа сюйгенлеге болжал бошаллыкъды, ол энчи аскер операцияны ветеранларына эм къазауатха къатышханлагъа деп жарашдырылгъанды. Аны юсюнден КъМР-ни Башчысы Казбек Коков кесини телеграм-каналында жазгъанды.

«Бу программагъа къатышханлагъа къырал эмда муниципал службада иш табаргъа онг барды неда социал эм экономика бёлюмледе, сатыу-алыуда иш ачып, кеслерин сынаргъа боллукъдула.

Алгъа барыргъа, кесини туугъан республикасында ишлеп, айныргъа сюйгенле http://geroi.kbr.ru сайтха кирип, эсепге тюшерге эм бу электрон geroikbr@yandex.ru почтагъа жазаргъа неда телефон номерге +7 (903) 491-37-27 сёлеширге боллукъдула.

Сизни жигитлигигиз эм къыйын фронт болумлада оноу эте билгенигиз, тюрлю-тюрлю бёлюмледе промышленностьда, эл мюлкде, къурулушда, туризмде, жашау журт-коммунал мюлкде эм жол-транспорт бёлюмледе, къырал борчланы тамамлауда уллу магъананы тутады.

«Къабарты Малкъар Республиканы Жигитлери» программа жетишим болдурургъа, сайлагъан бёлюмде алчыланы санына къошулургъа онг береди.

 Биз сизни сакълайбыз!», - деп айтылады билдириуде.

 

 

  • 12 просмотров
Поделиться: