Жараусузлары сатыугъа жибериллик тюйюлдюле

Жаз башы келгени бла сабан-бахча жумушланы заманы да жетеди. Бу кезиуде аграрийлени ишлери кёп болады, эм алгъа уа ала урлукъла тап сакъланнганларына къарайдыла.

Урлукъну качествосун тинтиу араны ишчилери бусагъатда бу жумуш бла кюрешедиле, ол мурат бла ала республиканы «Гибрид СК» предприятияда нартюх урлукълагъа къарагъандыла. Тинтиуле серитфикацияны бериуню чегинде борчлу халда толтуруладыла. Араны баш специалисти Астемир Хаупшев ангылатханыча, сынауну ётмегенлеге урлукъларын сатаргъа эркинлик берилмейди. Жангылыч болмаз ючюн а, урлукъланы талай орундан аладыла. «Гибрид СК» Россейде нартюх урлукъну чыгъаргъан эм уллу предприятияладан бириди, быр жылгъа анда алты-тогъуз минг тонна урлукъ жарашдырылады, бирлери терк бишгенледиле, башхалары – кечирек. Алагъа Нальчикде лабораторияда къараллырыкъды, ала къаллай тирлик берликлери талай шартха кёре тергеллирикди, дейди карантин тинтиулени башчысы Саират Шукова. Урлукъла белгиленнген мардалагъа келишселе, предприятие аланы сатып башларыкъды.