Жолла мардалагъа келиширча

Бу кюнледе "Жашау этерге инфраструктура" деген жангы миллет проектге кёре Шимал Осетия бла чекде Дейское-Тёбен Курп жолну 5,8 километр кесегине тынгылы ремонт этилип  башланнганды, деп билдириледи КъМР-ни Транспорт эмда жол мюлк министерствосуну пресс-службасындан.

Жолну юсюнден айтханда,  ол юч республиканы: Къабарты-Малкъарны, Шимал Осетияны эм Ингушетияны бирге къошады эм къыралгъа уллу  магъанасы болгъан объектге саналады.  

Бюгюнлюкде специалистле зыгъыр къуюп,   жолну мурдорун кючлеп, жауун суу саркъырча быргъыла салып  эм башха жумушланы тамамлап  кюрешедиле. Ызы бла ауур жюк ташыгъан машиналагъа чыдарча  юч къат асфальт саллыкъдыла.
 

Игилендириу ишлени кезиуюнде   автомобиль жол мардалагъа келиширча боллукъду.  Аны чеклеринде   къоркъуусузлукъ жалчытылынырча да аслам эс буруллукъду. Ол санда  чыпынлы чыракъла, жорукъну билдирген белгиле эм ызла да салынырыкъдыла.  Сагъынылгъан шартла жолда аварияланы санын азайтырча  ахшы  себеплик  этериклерин да энчи белгирчады. 

Планнга кёре, объект быйылдан кеч къалмай  хайырланыргъа берилирге керекди.