Жангы амалла хайырлыдыла

Къабарты-Малкъар къырал университетге ишчи жолоучулукъ бла Физикадан бла математикадан миллет араны илму башчысы Александр Сергеев келгенди.

Устазла эм студентле бла жыйылыуда РАН-ны академиги илму-излем ара къалай къуралгъаныны юсюнден билдиргенди эм жалгъан интеллектни бла инфорамция амалланы айныуларыны юсюнден лекция окъугъанды. Алимни оюмуна кёре, ала бюгюнлюкде адам улуну аллында тургъан къоркъууланы эм уллуларындан биридиле, кеслерини да жашау-турмушну ахырысы бла да тюрлендирирча кючлери барды.

Ишчи жолоучулукъ «Илмуну заманы» деген башламчылыкъны кесегиди, анга кёре араны алимлери атом промышленностьну сексен-жыллыгъы бла байламлы окъуу юйледе жаш адамла бла тюбешиуле бардырадыла.