Отарланы Мухтар - Элбрус районну администрациясыны башчысы

Элбрус  районну Жер-жерли самоуправлениясыны советини сессиясында Отарланы Магометни жашы Мухтар конкурс комиссияны эсеплерине кёре муниципалитетни жер-жерли администрациясыны башчысына сайланнганды, деп билдиргендиле районну администрациясыны пресс-службасындан.

Сессияны ишине КъМР-ни Башчысыны Администрациясыны таматасы Мухамед Кодзоков эмда КъМР-ни Парламентини депутаты Сотталаны Къурман къатышхандыла. Жыйылгъанланы алларында сёлеше, Мухамед Мартынович бла  Къурман Сеитович район таматагъа тюз адамны сайлау уллу  магъананы тутханын чертгендиле эмда жангы башчыгъа аны боюнуна салыннган борчланы тамамлауда жетишимле тежегендиле.