Къыралны биринчилигине къатышырыкъдыла

Нальчикде самбодан СКФО-ну биринчилиги бошалгъанды. Анда эки кюнню ичинде оналты жыллары толмагъан жашла бла къызла къыралны биринчилигине къатышыргъа эркинлик ючюн тутушхандыла.

Округну регионларындан эки жюз эллиден аслам жаш гёжеф беш ауурлукъ къауумда эм кючлю деген ат ючюн сермешгендиле. Ала усталыкъларын, итиниулюклерин да толу кёргюзтгендиле. Республикаланы араларында эришиулюк уллу болгъанды, деп белгилегенди баш судья Мурат Пшенашев. Ол билдиргенича, хорлагъанла мартда Оренбургда тюбеширикдиле. Эсеплеге кёре уа, Къабарты-Малкъарны жашларыны къаууму юч алтын, экишер кюмюш бла доммакъ майдал къытхандыла, къызла уа – эки алтын бла бир доммакъ алгъандыла.