Эришиулеге къараргъа чакъырадыла

Кёп болмай ачылгъан спортну къыш тюрлюлеринден эришиуле бардырыргъа ачылгъан «Нальчик-аренада» Омск областьны  жыйымдыкъ командасыны эришиулери бардырыла турадыла. Аны юсюнден КъМР-ни Башчысы Казбек Коков кесини телеграм-каналында билдиргенди.

«Спорт майданнга келгенле профессионалланы  эришгенлеринден сора да, аланы этген затларына къараргъа, битеуроссей эришиулени судьясы, бийик категориялы тренер Анжела Басос бла хапар айтыргъа  да онг боллукъду. Дагъыда бузгъа чыгъып кеслерин сынаргъа онг барды.

Бюгюн, 5 мартда, эришиулени ахыр кюнлериди, жараула уа 15 сагъатха дери барлыкъдыла, ол заманнга дери алагъа къараргъа онг барды. Андан сора 19 сагъатда спортчуланы эришиулери башланырыкъды. Алайды да барыгъызны да бу адресге: Нальчик шахар, Экинчи Таман дивизия орам, 35 юйге  чакъырыма», - деп айтылады билдириуде.