Байламлыкъланы жюрютюрге ахшы амал

КъМР-ни цифралы айныу, связь эм асламлы коммуникацияла министерствону билдириуюне кёре, быйылгъы жылны февраль айында Къабарты-Малкъарда жашагъанла «Байламлыкъланы жюрютген платформагъа» 1184 минг билдириу ийгендиле. Ол амал республикада жашагъанлагъа властьны келечилери бла тюзюнлей, онлайн амал бла сёлеширге онг береди. Аны юсюнден КъМР-ни Башчысы Казбек Коков кесини телеграм-каналында билдиргенди.

«Платформагъа келген сорууланы асламысы саулукъ сакълаугъа, билим бериуге, врачха къаратыргъа барыр ючюн, электрон амалны хайырланыргъа, кёп сабийли юйюрлеге электрон удостоверенияны хазырларгъа эм тёгерекни тапландырыугъа жораланыпдыла.

 Энчи билдириулени министерстволагъа бла ведомстволагъа Къырал жумушланы тамамлагъан порталны «Госуслуги. Решаем вместе» мобильный приложениясына жиберирге боллукъду. Сагъынылгъан иш «Цифралы экономика» миллет проектни чеклеринде бардырылады, деп айтылады билдириуде.