Окъуучулагъа саугъагъа - жарагъан аудитория

Кёп болмай «ЭКО-культура» агропромышленный холдинг "Студентликни айы" деген проектни чеклеринде  онбеш окъуу учрежденияны  студентлери  бла тюбешиуле бардыргъанды, теплица комплексинде  экскурсияла эм  стажировкала да  ётдюргенди.

Аны чеклеринде «ЭКО-культура» биригиуню башламчылыгъы бла Къабарты-Малкъар къырал аграр университетде энчи  жарыкъландырыу аудиторияны ачылыуу да болгъанды. Анга КъМР-ни Правительствосуну Председателини биринчи орунбасары   Сергей Говоров, «ЭКО-культура» биригиуню  вице-президенти Мария Бочарова,  КъМКъАУ-ну ректору Заурби Шхагапсоев, преподавательле эм студенте да къатышхандыла.

«ЭКО-культура» биригиу отоугъа ремонт этгенди эм керек  мебель, оборудование, техника да алгъанды.

Эсге сала айтсакъ, бу быллай экинчи аудиторияды.  Биринчисин былтыр Ставропольну къырал аграр  университетине саугъалагъан эди.

«ЭКО-культура» не заманда  студентлени башламчылыкъларында билеклик этеди, къыйматлы   проектлерин бардырыргъа болушады. Ол санда «Профессионалитет», «Дуальное образование»  программалагъа да  тири къатышады. Теплицаларында   экскурсияла бардырады,  практика бла  стажировка ётерге да  болушады.

Холдинг билим бериу учрежденияла бла  байламлыкъ жюрютгенини  хайырындан  окъуучула билимлерин ёсдюрюрге, сынамларын кючлерге онг табадыла. Аны бла бирге биригиуге не заманда да бийик квалификациялы кадрла  керекдиле.