Къуралгъаны, айныгъаны да ‒ кинодаКъабарты-Малкъарны къырал телевидениясы 68 жыл мындан алгъа ишлеп башлагъанды. Ол къалай къуралгъаныны, аны айныу жолуну юсюнден фильм жарашдырыла турады. Регион телевидение кружокдан башланнганды дерге боллукъду, алтмышынчы жыллада анга «Нальчикде любитель телевидение ара» дегендиле. Аны совет инженер Георгий Сергеев къурагъанды. Ол Совет Союзда быллай тогъузунчу ара эди. Радиотелевидение араны башчысы Джамбулат Шоров айтханыча, телевиденияны мекямы 36-чы жылда ишленнгенди, ол «Биринчи КБР» каналны мекямыны къатында орналыпды. 1957 жылны 10 февралында КъМАССР-ни Правительствосу любитель телевидение арагъа «къырал» деген даражаны береди. Шимал Кавказда ол биринчи ишлеп башлагъанды, аны чыгъармачылыкъ къаууму да жыйылгъанды. Анга сыйлы радист Варужан Панасьян башчылыкъ этгенди. Ишни къалай башлагъанларын эсгере, ол не аз жетишимге да къууаннганларын билдире эди. Биринчи бериуле къагъытха жабышдырылгъан суратладан жарашдырылгъандыла, ызы бла 1957 жылда биринчи майгъа аталгъан байрамны, чаришни да кёргюзтгендиле. Артда уа ‒ концертни бла сахна оюнланы. «Ол кезиуде излеуню жолунда эдик. Къараучуларыбыз да ыразылыкъларын мычымай билдиргендиле, хар жетишимибиз бла алгъышлагъандыла. Ол къаллай уллу байлыкъ болгъанын энди ангылайма», - дегенди Панасьян. Журналистлени усталыкълары да ёсе баргъанды, жангыз да юч жылны ичинде онтёрт автор фильм жарашдырылгъанды. Ала битеу да Союзда кёргюзтюлгендиле. Артда телевышка, профессионал студиялары бла уллу телевидение ара ишленнгенди. Бюгюнлюкде каналыбызда орус, малкъар, къабарты тилледе бериуле, кюннге талай кере жангылыкъла кёргюзтюледиле.
Поделиться:
Читать также:
12.11.2026 - 09:35 →
Тюрклюле бизни ариу кёргендиле, болушлукъ этерге ашыкъгъандыла
11.11.2026 - 14:02 →
Жетмиш миллион инсан къарагъан фильм
09.11.2026 - 07:55 →
Эшикде жауун жауа эди
02.11.2026 - 12:40 →
Энди ол аны атын айтмайды»
31.10.2026 - 12:16 →
«Сурат кюзгюдю, хар къарагъан энчи бир магъана табарыкъды»
| ||



