Къабарты-Малкъар Республиканы Башчысы К.В.Коковну Ата журтну къоруулаучусуну кюню бла алгъышлауу

Къабарты-Малкъар Республиканы Башчысы К.В.Коковну Ата журтну къоруулаучусуну кюню бла  алгъышлауу

Къабарты-Малкъарны хурметли инсанлары!  Сизни Ата журтну къоруулаучусуну кюню бла алгъышлайма!

Бу байрамны терен магъанасы барды: аны белгилей, биз Ата журтубузну эркинлиги эмда жалынчакъсызлыгъы ючюн душман бла къанларын-жанларын аямай сермешгенлеге, бюгюнлюкде да, къыралны сейирлерин къоруулай, къалкъанча сюелгенлеге махтау салабыз, жюрек ыразылыгъыбызны билдиребиз.

Быллай кюнде Уллу Ата журт урушну кезиуюнде нацизмни ууатхан ата-бабаларыбызны жигитликлерине баш урабыз, багъалы ветеранларыбызгъа ыспас этебиз. Шёндю, энчи аскер операцияда ал сатырлада бара, Россейни къоркъуусузлугъун бла эркинлигин къоруулай, жигитча сермешген аскерчилерибизни жюрекден къызыу алгъышлайбыз. Аланы араларында Къабарты-Малкъарны да жигит жашлары бардыла. Биз ала бла ёхтемленебиз, батырлыкъларына бла кишиликлерине махтау салабыз,  сый беребиз.

Быйыл къыралыбыз Уллу Хорламны  80-жыллыгъын белгилерикди. Ма ол байрамгъа жоралап, ветеранланы алларында баш ура, 2025 жыл Россейде Ата журтну къоруулаучусуну жылыча тохташдырылгъанды. Ол а тёлюлени араларында байламлыкъ бир заманда да юзюлмезлигини белгисиди. Биз,  тарых хазнабызгъа, ахшы урунуу эмда аскер тёрелерибизге таяна, не тюрлю къоркъуулагъа да къаты жууап бераллыгъыбызгъа, Ата журтубузну деменгилилигин кючлерик, аны жашнаууна себеплик этерик борчланы барысын да тамамларгъа къолубуздан келлигине ишексизме.

Жюрегими теренинден барыгъызны да алгъышлай, кийик саулукъ, монглукъ эмда ырахатлыкъ тежейме!