Гитче гёжефлерибизде – майдалла

Энгельс шахарда джиу-джитсудан Саратов областьны кубогу бла къатыш единоборстволадан область даражалы эришиуле бардырылгъандыла, алагъа республикабызны каратени бир тюрлюсюнден федерациясындан 6 спортчу къатышхандыла.

Къатыш единоборстволада 12-13-жыллыкъланы араларында биринчи жерге Малкъандуланы Имран (45кг.) чыкъгъанды. Джиу-джитсуда 8-9-жыл санда Малкъандуланы Эльдар (28кг.) бла 10-11 жыл санда уа Мухамед Хажироков хорлагъандыла. Кеслерини къауумларында доммакъ майдалланы Амирхан Маргушев бла Джамбулат Губжоков алгъандыла.

Быллай кёрюмдюле бла республикабыз битеукоманда эсепде ючюнчю тизгинде орналгъанды, спортчуларыбызны тренер Казбек Майрамуков хазырлагъанды.