Республиканы къаууму – ючюнчю жерде

Нальчикде къатыш единоборстволадан СКФО-ну биринчилиги бардырылгъанды. Анга бизни республикадан, Чеченден Ингушетиядан, Осетиядан, Дагъыстандан, Къарачай-Черкесден бла Ставрополь крайдан 12-15-жыллыкъ спортчула къатышхандыла.

Къабарты-Малкъарны келечилери битеу да 15 майдал къытхандыла, алчы жерлеге кеслерини жыл сан эм ауурлукъ къауумларында Эмирхан Гелоев, Абайланы Алимхан, Гузийланы Эмзар, Темерлан Масаев, Азаматланы Темиркан, Насталаны Рамазан, Имран Мендекеев эм башхала чыкъгъандыла. Хорлагъанла энди Россейни биринчилигинде сермеширикдиле, ол а апрельде Сочиде боллукъду.   

Битеукоманда эсепде биринчи жерни Чечен, экинчини – Дагъыстан, ючюнчюню уа бизни республика алгъандыла.