Жамауат тийреле айбатланадыла

Къабарты-Малкъарда  2019 жылдан башлап жамауат аслам хайырланнган 169 чакълы жер, 517 арбаз, 47 майдан, 38 сквер, 19 парк, иги кесек аллея, сабийлеге эм спорт бла жараула бардырыргъа майданла да ишленнгендиле, - деп билдириледиКъМР-ни Къурулуш эмда жашау журт-коммунал мюлк министерствосуну пресс-службасындан. 

Былтырны юсюнден айтханда, жамауат аслам хайырланнган 31 жер эм отуз элде  31  арбаз айбатландырылгъанды. 

Быйыл жамауат тири хайырланнган дагъыда 38 жер тапландырыллыкъды. Аладан сегизисин жерлешлерибиз тюзюнлей халда къол кётюрюу амал бла сайлагъандыла. Болсада тынгылы ремонт этилирге керекли объектлени тизмеси экинчи кварталгъа  хазыр боллукъду. Ол себепден  аланы  санына иги да къошуллукъду. 

Андан сора да, быйыл Чегем шахарда «Черек къучакълайды» деген  конкурс проект жашауда бардырыллыкъды. 

Эсге сала айтсакъ, хар ким  игилендирилирге тийишли жерни сайлар  ючюн,    https://pos.gosuslugi.ru/lkp/fkgs/offer/ ссылкада къол кётюраллыкъды. Ол быйыл 15 январдан 28 февралгъа дери ётерикди.