Предпринимательлеге-ахшы себеплик

Организацияла, энчи  предпринимательле  эм кёп фатарлы юйледе  коммерциялы мекямланы  иелери хайырланнган  электрокюч ючюн энди  «Сбербанк Онлайн» деген  тюзюнлей  сервис бла тёлерге боллукъдула, деп билдириледи   «Россети Северный Кавказ» биригиуню  пресс-службасындан.

Аллай амал биригиуню бёлюмлерине  барып айланмазгъа,  аны бла бирге  заман къоратмазгъа онг береди. 

Аны ючюн  «Россети Северный Кавказ» - «Каббалкэнерго» биригиуню  "ИП эм Юрлица» бёлюмюне кирип,  келишимни номерлерин жазып   тёлерге жарайды.   

Эсге сала айтсакъ, бусагъатха дери   предпринимательле  бу жумушну  «Каббалкэнерго»  биригиуню неда банкаланы  бёлюмлеринде тамамлагъандыла.    

Бу жаны бла бир тюрлю соруулары болгъанла «Каббалкэнерго» компанияны бёлюмлеринден бирине барсала, специалистле тынгылы  ангылатырыкъдыла.