Тазалыкъгъа аслам эс бурулургъа борчлуду

Кёп болмай,  Май районну администрациясыны башчысы Татьяна Саенко бардырып, ишчи кенгеш болгъанды. Анга эллени таматалары, жер-жерли самоуправленияны  советини  эм  бёлюмлени  келечилери къатышхандыла, деп билдириледи муниципалитетни администрациясыны пресс-службасындан.

 Жыйылыуда эм биринчи эллени санитар болумлары сюзюлгенди.  Татьяна Викторовна тёгерекге-башха къараргъа чыкъгъанында, жарсыугъа, шахарны ара орамларында кир-кипчик жыйылгъан   жерни эслегенин  айтханды.

- Кёп фатарлы юйлени тийрелери   бу жаны бла къайгъырмазча болсала да, бир къауум энчи  арбазланы, сатыу-алыу точкаланы  алларында  зыбыр къалгъан- къулгъанладан тёбеле къуралгъандыла. Аны бла бирге Пришиб микрорайонну жол жанларыда  да кир-кипчикден толудула,- дегенди районну башчысы.

 Сагъынылгъан кемчиликле бла байламлы Татьяна Саенко  Май районну администрациясыны келечилерине бузукъчуладан къаты сорурларын  эм жамауат бла ангылатыу иш бардырыргъа тийишлисин да билдиргенди.

Шахарда къаудан басып, свалкала къуралып тургъан  бош къалгъан  жер юлюшле, оюлургъа жетен жашау журтла да кёп бардыла. Аланы иелери административ жууапха тартылырыгъа керекдиле. Ол шарт  бир-бир  жерлешлерибизни жууапсызлыкъларын,   экология жаны бла культуралары болмагъанын ачыкълайды.  

- Бузукъланы тинтирча хар жерде камерала салыргъа онг жокъду. Жер юлюшлени иелери да   башха регионлада жашаргъа боллукъдула. Аны себепли районну башчысы жер-жерли депутатладан административ комиссия къураргъа керекди,-дегенди Татаьяна Саенко.

Тюбешиуде эллени таматалары жер юлюшлени, къурулуш объектлени эм автомобиль жолланы   болумларын тинтирча бардыргъан  мониторингни  эсеплери бла шагъырей этендиле.