Жаш тёлю башламчылыкъланы бардырырча – «Студентни жери»

Къурулушчуланы хазырлагъан колледжде «Жаш тёлю политиканы битеулю халда айнытыу. Регион – жаш адамлагъа» федерал программаны чегинде «Студентни жери» деген майдан ачылгъанды.

Анда оюнла, башламчылыкъла бардырылгъан, кинола алдыргъан, лекторийле болгъан жерле бардыла. Алгъаракълада быллай майданла колледжни Чегемде бёлюмюнде бла Бахсанда эл мюлк колледжде ишлеп башлагъандыла. Аланы борчлары студент самоуправление игилендириудю эм жаш адамланы жамауат жашаугъа бютюн тири къатышыргъа кёллендириудю.

Майданны ачылыуунда профильли министерстволаны келечилери болгъандыла, ала колледжни мастерскойларына къарагъандыла, студентле бла да сёлешгендиле. Ахырында жаш адамла къонакъларына тепсеуле кёргюзтгендиле, ала барысы да бирге жыйылып, суратха тюшгендиле.