Миллет тилле – интернет-сёзлюкде

Яндекс сёзлюкге Россейни миллетлерини тиллери да кёчюрюлюп башлагъандыла. Бюгюнлюкде анга осетин тил къошулгъанды, жууукъ заманда уа малкъар эм къабарты тилле да боллукъдула.

Башламчылыкъны юч жылны ичинде толтурургъа белгиленеди, ол мурат бла регионлада энчи бёлюмледе къуралгъандыла. Бу ишни юсюнден Нальчикни тёртюнчю гимназиясыны окъуучусу – проектни «Нейросеть миллетле аралы сёлешиуню амалы» кесегини башчысы Алим Мамхегов Казбек Коков бла тюбешиу болгъанында билдиргенди. Алай бла тёрт айны ичинде ала эки тилни да сёзлерин жыйышдыргъандыла, орус тилден жюз минг сёз кёчюрюлгенди.

Башламчылыкъны юсюнден тёрели россейли тин-ниет хазнаны сакълаугъа эм кючлеуге жораланнган жыйылыуда миллетлени ишлери эм жамауат башламчылыкъла жаны бла министр Анзор Курашинов да айтханды. Сакъланнганыча, сёзлюк быйылны биринчи жарымында ишлеп башларыкъды, анга жангы сёзле къошула барлыкъдыла. 

 

Кульчаланы Зульфия.
Поделиться: