Сабийлени муратлары толургъа керекдиле

Республиканы Правительствосунда бардырылгъан «Муратланы назы тереги» жандауурлукъ ишге спорт министр Ислам Хасанов да къатышханды.

Тёреде бола келгенича, ол терекден юч сабийни муратлары жазылгъан къагъытланы алгъанды. Алада онтёртжыллыкъ Николай Терентьев -  ойнарча пульт бла ишлеген темир жолну, онбешжыллыкъ Ислам Иризов – чурукъла, онбешжыллыкъ Динара Боготова уа «Алиса» колонка сюйгенлерин билдиргендиле. «Жангы жылгъы муратла толургъа керекдиле, сабийлеге сюйген затлары тапдырылгъандыла», - дегенди Ислам Маратович. Гитчелеге татлы ашарыкъла, Ислам Иризовха уа дагъыда спорт кийимле да берилгендиле.