Быйыл оналты мекям жангыртыллыкъды

Быйыл " Саулукъ сакълауну биринчи звеносун игилендириу" регионал эм "Тири эм узакъ ёмюр жашау" миллет проектлеге кёре,  жангы медицина объектле Акъ-Сууда, Тёбен,  Эски Черекде,  Светловодское, Дейское, Красносельское, Куба-Таба элледе ишленирикдиле, деп билдириледи КъМР-ни Саулукъ сакълау министерствосуну пресс-службасындан.

Аны бла бирге Нальчикде 2-чи номерли Республикалы  Сабий клиника  больницасыны педиатрия бёлюмюне,  Нарткъалада поликлиникагъа, Бахсанда ара стационаргъа тынгылы ремонт этилликди. 

 Дагъыда  Кёнделенде амбулатория, Тырныауузда  поликлиника хайырланыргъа берилликдиле.  Огъары Малкъарда больницагъа, Жемталада  бла Огъары Куркужинде  амбулаториялагъа да къараллыкъды.  

Поделиться: