Жюрек жылыулукъ эмда ыразылыкъ

Росгвардияны «Энчи буйрукъла толтургъан Буз Аппа» ведомстволу акция андан ары барады. Аны чеклеринде «Вершина» къауумну къуллукъчулары Прохладныйде сабийле тургъан интернатда къанакъда болгъандыла. Росгвардиячыла сабийлени эм аланы устазларын Жангы жылны байрамы бла алгъышлагъандыла эмда саугъала бергендиле. «Хар сабий да ала ючюн къайгъыргъанларын, аланы сюйгенлерин сезерге керекдиле. Жангы жыл  юйюр бирге белгилеген байрамды. Биз а сабийчиклени къууандырыргъа, алагъа саугъала берирге сюйгенбиз»,-дегенди полицияны майору Эльдар Сафаров.   

 Жашчыкъла бла къызчыкъла къонакълагъа ыразылыкъларын айтхандыла эмда аскерчилеге кеслери ишлеген илляула саугъалагъандыла.