Нальчикде Бузда учхан мекям ачыллыкъды

Нальчикде ачылыргъа хазырлай тургъан мекямланы ичинде бузда учхан мекям да барды, деп билдиреди КъМР-ни Башчысыны телеграм- каналы.

Мекям бизни республикада бир заманда да болмагъанча сейирликди, анда спортну къыш тюрлюлеринден жараула этерге боллукъду. Аны уллулугъу 4000 квадрат метрди, ол «Демография» миллет проектге кёре ишленеди.

«Кюн шахардан» эм «Нальчик» спорт комплексден  сора анда бузда учарча жер, спорт залла, адамла олтурурча, командала эм арбитрле турурча жерле да бардыла.

Спорткомплексде энчи техника да барды, ол бузну эритмей турурча амал этеди, котельнасы уа мекяны отоуларыны ичинде тап хауаны тутады. Спорткомплексни тёгереги тапландырылгъанды, аны къатында автотранспортну салырча онгла да къуралгъандыла, деп айтылады билдириуде.