Сууукъгъа аллергия иги да жунчутурчады

Къыш кезиуде бир къауум адамны сууукъгъа аллергиялары къозгъалады.  Аны кезиуюнде адамны организминде имунитети огъурамагъан энчи белокла къураладыла. Алагъа къажау тургъанда уа реакция башланады. Бу аз тюбюген ауруу болса да, адамны онгсуз этер ючюн къоймайды.   

Белгмлери

Бюгюнлюкде аллергия не ючюн къозгъалгъаны толу белгили тюйюлдю. Баш щартладан бирлерине сууукъ хауа бла суу саналадыла. Андан сора да, бир къауум тинтиулеге кёре, организм къарыусуз болса, гайморит, тонзиллит, холецистит эм тишлерин таш да башланады.  Ол себепден алагъа заманында багъаргъа керекди.

Аллергия башланс, терини юсюнде мурса кюйдюргенча къотурла чыгъарыргъа, къызарыргъа, кичирге, терилери къургъакъсырыргъа, санлары кёберге, бурун суулары барыргъа, кёзлери жиляргъа эм кичитирге да болады.

Ол ген бла кёчерге, астмадан, крапивницадан, санлары кёбюп къыйналгъан, къан тамырлары ауруугъан, къаны иги жюрюмеген, аш оруну, чегилери, солуу органлары, эндокрин, нейродерматит, экзема, псориаз дегенча аурууладан къыйналгъаннга да тиерге ёчдю. Андан сора да, врач айтмай иммуностимуляторланы кёп ичгенле къыйналадыла.  Антибиотикле, миорелаксантла, рентгеноконтраст веществола, ингибиторла эм башха затла да къозгъаргъа боллукъдула.

Аурууну тохташдырыу

Аллергияны тинтирча уллу иш бардырыргъа тюшеди. Анализле бла кёбюсюнде дерматолог кюрешеди, бирде аллерголог-иммунологну, ЛОР-врачны, окулистни эм башха специалистлени да болушлукълары керек болады. Сабийлени юсюнден айтханда уа, эм биринчи педиатр къараргъа керекди. Болсада тюз диагноз салырча белгили аллергенле бла энчи тест бардырылады.

Аякъда, къолда эм башха жерледе аллергия эсленсе, тёрели тест бла тинтиледи. Сёз ючюн, адамны терисини юсюне 15–30 секундха буз саладыла. Аны кезиуюнде къызаргъаны эсленсе неда кичисе, багъарча эсгертиуле бериледиле. Бир тюрлю реакция болмаса уа аллергияны болмагъанын айтырчады.

Багъыу

Аллергиядан амбулатор халда багъылады. Аны кезиуюнде листерин, адвантан, флуцинар дегенча препаратла хайырланадыла. Ала терини къызаргъан, чапыргъан жерлерине жукъа жагъыладыла. Жара къозгъалгъан эсе уа пантенол къурамлары болгъан препаратла керекдиле. Мазьны эшикге чыгъардан алгъа жагъаргъа тийишлиди, бу жаны бла Морозко иги болушады. Дарманланы уа жаланда врач айтханланы ичерге керекди. 

Кесин сакълау

Сууукъдан аллергиягъа профилактика ахшы себепликди. Мында бир къауум жорукъгъа эс бурургъа тийишлиди: эшикге чыгъардан алгъа териге мазь неда крем, эринлеге уа гигиена помада жагъаргъа, къалын кийинирге, юйде тургъанда къолгъа, аякъгъа эм башха жерлеге да къан иги жюрюрча массаж этерге керекди. Сууукъ суусапладан бла ашарыкъладан да чекленсе игиди. Кёбюрек жемиш, наныкъ ашаса себепди. Жылгъа эки кере врач айтхан поливитаминле бла курсланы ётсе, иммунитетге иги болушурукъду.

Сууукъгъа аллергиясы болгъан адам эшикде кёп турургъа, сууукъ суу бла кюреширге жарамайды. Аны бла бирге ашына, суууна эс бурургъа, саулукълу жашау бардырыргъа кюреширге керекди.

Саулай алып айтханда, аллергия болгъанына ишекли инсан созмай врачха барса, кёп хатадан къутуллукъду.