Танг кесек саусузгъа болушлукъ тапдырылгъанды

28 декабря, 2024 - 10:07

 «Жюрек эм къан тамырла бла байламлы ауруулагъа къажау туруу» регион проектни чеклеринде   Къабарты-Малкъарда стационарлада инфарктдан бла  инсультдан ёлгенлени санын азайтырча багъыу ишде рентген-эндоваскуляр амалны  тири хайырланадыла.

Жылны башындан бери  бу жаны бла  1800  коронароангиография  бла операция этилгенди.  Аладан  иги кесеги неда 1400-сю  Кардиодиспансерде бардырылгъандыла.  Бюгюнлюкде мында жангы технологиялагъа кёре операцияла этерге  ахшы онгла къуралгъанларын да энчи белгилерчады.  

 
Андан сора да, 335  операция   Республиканы клиника больницасыны   къан тамырла бла байламлы аурууладан бакъгъан арасында тамамланнгандыла.

Эсге сала айтсакъ,  эндоваскуляр  хирургия  бийик технологиялы эм аяулу  операциягъа саналады. Ол тамырда бир гитче тешикчик этилип  энчи инструментле бла  бардырылады. Быллай операция саулукъгъа заран салмагъаны себепли,  бек къартлагъа, гитчелеге эм онгсузлагъа да бирча   жарайды. 

  • 21 просмотр
Поделиться: