Жашларыбыз эм кючлюле

Къабарты-Малкъар Къырал университетни физкультура-спорт комплексинде бу кюнледе киокусинкай каратэден 10-17-жыллыкъ жашланы бла къызланы араларында КъМР-ни Кубогу ючюн эришиуле бардырылгъандыла. Аланы республикада Спорт министерство эмда киокусинкай каратэни ИФК федерациясы къурагъандыла. Уллу Ата журт урушда Хорламгъа жораланнган спорт эришиуге бизни республикадан, Ингушетиядан, Шимал Осетия-Аланиядан, Дагъыстандан, Къарачай-Черкесден, Чеченден да 200-ден аслам жаш спортчу къатышханды. Къабарты-Малкъардан жашланы онючюсю биринчи, экинчи, ючюнчю жерлеге тийишли болгъандыла.

Эришиуледен сора, тёреде болуучусуча, хорлагъанлагъа кубокла, грамотала да берилгендиле, ариу халда тутушханлары ючюн ахча саугъа къоллу болгъанла да бар эдиле. Хорлам болдургъанланы юйретгенле да белгиленмей къалмагъандыла.

Хорлагъанла энди УФО-ну кубогу ючюн эришиулеге хазырланырыкъдыла.