Беш кюнню атларын сынарыкъдыла

Геуюрге кюн Огъары Басханда «Кавказны халкъларыны шуёхлукъларыны кубогу» деген жортууулну къууанчлы ачылыуу болгъанды. Анга Къабарты-Малкъарны, Къарачай-Черкесни, Дагъыстанны эм Чеченни 200-ден артыкъ келечиси къатышадыла. Аны Къабарты-Малкъарны бла Къарачай-Черкесни спорт министерстволары къурап бардырадыла. 

Басхан ауузда башланнган эришиуге къатышхан атлыла алты кюнню ичинде 230 километрни ётерикдиле. Ала Тебердада, Учкуланда, Архызда, Жылы-Сууда боллукъдула. Битеу ол заманны ала таулада ётдюрлюкдюле. Кече солургъа уа  талалада тохтарыкъдыла.

Жортууулну баш жоругъу атлыланы аралары бир бирден 3-сагъатлыкъ жолдан узакъ болмазгъа керекди. Андан кёпге къалгъанланы эришиуден кетерликдиле. Финиш КъЧР-ни Сторожевая элинде 29 сентябрьде боллукъду. Эришиуню саугъа фонду уа эки миллион сомду. Биринчи жерни алгъаннга аны жарымы берилликди. Экинчи келгеннге – 600 минг, ючюнчюге уа – 400 минг сом.