«Онбиреуленни ышыгъында» - жангыртыу ишле

Къабарты-Малкъарны Курортла эм туризм министерствосундан билдиргенлерине кёре, Баш къырал экспертиза «Онбиреуленни ышыгъыны» жангыртыуну проектин къабыл кёргенди.

Алай бла анда таугъа ёрлерге келгенлени солугъан, бийик тау хауагъа юйреннген кезиулери ырахатлы ётерикди. Альпинист ышыкъны тышы алгъыннгы кёрюмдюсюн сакъларыкъды, аны къурулушунда бийик тау болумлагъа келишген амалла хайырланыллыкъдыла, ол къыйын хауа болумлагъа, ол санда желлеге, бораннга, жер тепгенине чыдаялырча да боллукъду. Алгъан жери 2100 квадрат метрден асламгъа кёбейтилликди, мекямны биринчи къатысында МЧС-ни тау бёлюмю турлукъду. Огъарыда уа альпинистлеге 19 отоу, ашхана, къонакъла жыйылгъан эмда спорт кереклени къоярча жерле, техника отоула боллукъдула. Къоркъуусузлукъну жалчтытыугъа да эс бёлюннгенди: от ёчюлтюучюле салынырыкъдыла, тёгерекде бола тургъан ишле видеогъа алынырыкъдыла.