Поликлиника жангы излемлеге келиширикди

 Прохладнада "Саулукъ сакълау" миллет проектге кёре поликлиникагъа тынгылы ремонт этиле турады. Кёп болмай, ишле къалай баргъанлары бла шагъырейленирча,  КъМР-ни саулукъ сакълау министри Рустам Калибатов объектни жокълагъанды. 

Мекям 1956 жылда ишленнгенди, болсада тынгылы ремонт анга биринчи кере этиледи.  Алгъаракълада   терезелерин, жылытыучу системасын,  инженер ызларын эм  коммуникацияларын да алышып бошагъандыла.
Бюгюнлюкде аны  башын  жабып, тыш эм ич къабыргъаларын  сюртюп   кюрешедиле.
Медицина учреждение диагностика этген   жангы рентген эм  УЗИ  аппаратла бла да  жалчытылыннганды. Жууукъ заманда цифралы  маммограф да алынырыкъды.
Рустам Калибатов кёргение бюсюрегенди, болсада бир къауум эсгертиуле да бергенди. Ол санда поликлиника жангы юлгюге келиширча эм саусузлагъа тап болурча онгла къуралырына тийишли эс бурулурун белгилегенди.

Объект быйылны ахырына хайырланыргъа берилирге керекди.