Жигитлеге – эсгериу къангала

Баксанёнок элни экинчи мектебинде энчи аскер операцияда ёлген Ренат Кулимовха бла Мухамед Хандоховха эсгериу къангала орнатылгъандыла.

Ала экиси да бу мектепни бошагъандыла. Аскерчилени эсгерирге жууукъ-ахлулары, окъуучула, эллилери да жыйылгъандыла. Жаш аскерчилени къаууму къырал байракъланы чыгъаргъандыла. Устазла, аланы эсгере, окъуу жылларыны, къазауатха къалай къатышханларыны юсюнден айтхандыла, къонакъла уа ёлгенлени жууукъларын жапсарыргъа кюрешгендиле, жаш тёлюге да насийхатла этгендиле.    

- Бюгюнлюкде кёп инсаныбыз Ата журтубузну сейирлерин къоруулайдыла. Аланы кишиликлерин кёре, туудукъла ата-бабаларыбызны жигитликлерине тийишли болгъанларын таукел айталлыкъбыз, - дегенди республиканы жаш тёлюню ишлери жаны бла министри Азамат Люев.

Эсгериу къангаланы тукъум таматала ачхандыла, андан сора да, мектепде жигитлеге аталгъан партала да боллукъдула. Эсгериу гюлле салыу бла бошалгъанды.