Энчи саугъала бла белгилегендиле

Озгъан ыйыкъда КъМР-ни биринчи Президенти Валерий Коковну хурметине «Къызыл Гедуко» деген ат-спорт комплексинде ётгенди.

Анга Шимал Кавказны субъектлеринден сора да, Москвадан, Санкт-Петербургдан, Краснодар крайдан, Москва областьдан, Белорусиядан эм ОАЭ-дан 110 спортчу къатышхандыла.

Кубокну къууанчлы ачылыууна КъМР-ни Башчысы Казбек Коков, Басхан шахарны администрациясыны башчысы Хачим Мамхегов эм башхала къатышхандыла.

Спортчула,  жыл санларына кёре, алты тюрлю узунлукъгъа чариш этиуде эришгендиле. Сёз ючюн, аланы араларында сабийле да бар эдиле. Аланы араларында 80 километрге чаришде биринчи жерни Идар Вороков алгъанды. Ол Сакс деген атда барындан да терк жетгенди финишге.

Бек узун жол а бу эришиуде 160 километр эди. Анда биринчи жерге Москва областьны келечиси Юлия Павленко тийишли болгъанды. Экинчи жерге Александр Пономаренко чыгъып, кюмюш майдал къытханды.

Къабарты-Малкъарны келечиси Екатерина Васильева уа бу узунлукъда «доммакъ» алгъанды.

Бу эришиуледе хорлагъанла бары да кубокла, майдалла, грамотала, эсде къаллык саугъала эм ахчала бла белгиленнгендиле. 120 эм 160 километрлеге эришгенле уа энчи саугъаланнгандыла.

Дагъыда ол кюн Басхан шахарны администрациясыны таматасы Хачим Мамхегов Ат Тарик деген атда 40 километрге квалификация зачётну бергенди.