Предпринимательлеге хайырлы тюбешиу

Нальчикде «Macropus сабий шахарда» бу кюнледе «Сабийлеге товарланы эмда жумушланы сфераларында амал табыу. Рынокда даражаны тас этмей турургъа» деген темагъа аталгъан жыйылыу бардырылгъанды, - деп билдиргендиле «Иш кёллю Россей» жамауат организацияны бизни республикада бёлюмюнден.

 Жыйылыуну бу организацияны келечиси, бизнесни айнытыу жаны бла эксперт Гузеланы Индира къурагъанды. Анга КъМР-де «Мени бизнесим» араны башчысыны орунбасары Хадижа Абидова, «Macropus сабий шахарны» эмда Autus сабий реабилитация араны таматасы Заммаланы Асият эм башхала къатышхан эдиле.

Асият предпринимательство бла къалай кюрешип башлагъаныны, бу шахарны не ючюн эмда къачан къурагъаныны юсюнден хапарлагъанды, сабийлени жумушларын жалчытхан рынокда кёп жылланы ичинде жетишимли ишлеп туруууну тасхаларын да туура этгенди.

Хадижа Абидова уа Къабарты-Малкъарда предпринимательство бла кюрешгенлеге къырал не жаны бла себеплик этгенин билдиргенди эмда соруулагъа жууап бергенди.

Тюбешиуде дагъыда кёп тюрлю сорууну сюзгендиле, жыйылгъанла бир бирлерини сынамлары бла шагъырейленнгендиле.