Каратени бир тюрлюсюнде – алчыла

Краснодар крайда каратени бир тюрлюсюнден эришиуле къуралгъандыла. Спортчулагъа усталыкъларын аны джиу-кумите, санбон эм темишевари бёлюмлеринде кёргюзтюрге тюшгенди.

Анда республикабызны каратечилери айырмалы болгъандыла, ала сегиз алтын, беш кюмюш эмда беш доммакъ майдал алгъандыла. Кеслерини ауурлукъ къауумларында эм кючлюле Ангелина Лазаренко, Балаланы Артур, Гогуйланы Жаннет, Геккиланы Руслан болгъандыла. Энчи Ангелинаны белгилерге тийишлиди, ол юч бёлюмде да алтын майдалла къоллу болгъанды. Спортчуланы тренер Этезланы Владимир юйретеди. Ол кеси да, эришиулеге къатышып, эки алтын бла бир кюмюш майдаллагъа тийишли болгъанды.