Абаданланы саулукъларына - энчи эс

Кёп болмай Абаданланы кюнюне жоралап Къабарты-Малкъар къырал университетни жамауатны саулугъу, саулукъ сакълау кафедрасыны эм медицина академиясыны профилактика медицина жаны бла специалистлери къатышып Гериатрия арада жыл санлары  алтмыш жылдан атлагъанлагъа  ачыкъ эшиклени кюнюн бардыргъандыла.

Сынамлы кардиолог, эндокринолог, невролог, гинеколог, оториноларинголог, уролог, дерматолог, стоматолог, окулист, психотерапевт, къан тамырлагъа бакъгъан хирург, УЗИ эм ЭКГ аппаратла бла къарагъан специалистле абаданланы саулукъларын тинтирча тынгылы диагностика бардыргъандыла. Ол санда жыгъылыргъа ёч болгъанлагъа, санлары ауруп онгсуз этгенлеге эм башха  къыйналгъанлагъа да тынгылы эс бурулгъанды. 

 Аны чеклеринде хар саусузгъа магъаналы эсгертиуле берилгендиле. Аш-суулары тап келиширча, санлары кёбюрек теберча эм тийишли дарманла хайырланырча да энчи план жарашдырылгъанды.