Дагъыстанда ажымлы ёлгенлеге къайгъы сёз бергенди

Тюнене Дагъыстанны автомашиналагъа отлукъ къуйгъан  станцияларыны  биринде  уллу бушуу болгъанды, алайда ондан аслам адам ажымлы ёлгендиле. Бюгюнлюкге ол къайгъылы иш бла байламлы тинтиуле бардырыла турадыла.

«Къабарты-Малкъарда жашагъанланы эмда кесими атымдан Дагъыстан Республиканы Башчысына Сергей Алимович Меликовха, ёлгенлени жууукъ адамларына бла ахлуларына жюрегими теренинден къайгъы сёз береме. Кюч, къарыу, чыдамлыкъ эм жаралы болгъанлагъа аягъы юслерине турурларын тежейме», - деп жазгъанды республиканы оноучусу Казбек Коков кесини телеграмм - каналында.

Къоншу эм къарындаш республикагъа керек болса, не тюрлю болушлукъ этерге да хазырбыз, деп айтылады билдириуде.