Къабакъланы ишлемегенди

Нальчикни полициячылары хыйлачылыкъ этгенине ишеклини тутхандыла. Эр киши къабакъла ишлерге айтып, 104 минг сомну алып, тас болгъанды.

Быйыл 7 апрельде Нальчикде УМВД-гъа 48-жыллыкъ тиширыу тарыгъып келгенди. Аны айтханына кёре, ол интернетде темирден къабакъла ишлегенини юсюнден билдириуню кёргенди. Устагъа сёлешип, аны бла келишип, иши ючюн 104 минг сомну ётдюргенди. Алай ахча тюшгенлей эр киши телефонну алмай тохтагъанды, къабакъланы да ишлемегенди.

Излеу-тинтиу жумушла бардыргъан кезиуде уголовный розыскны къуллукъчулары ишеклини ачыкълагъандыла. Ол алгъын да башы сюдлюк болгъан 40-жыллыкъ кахунчуду. Ол республикадан тышына кетгени ачыкъланнганды.

Болсада быйыл 23 сентябрьде право низамны сакълаучула ишеклини тутхандыла. Анга уголовный иш ачылгъанды.