Кендир ёсдюргенди

Полициячыла Зольский районда кеси мюлкюнде кендир ёсдюргенни ишин тыйгъандыла. Ала аны арбазындан 38 кендир кёкен бла 53,9 грамм марихуанна сыйыргъандыла.

Оператив-излеу ишлени кезиуюнде Россейни МВД-сыны Зольск  районда бёлюмюню наркотиклени хайырланыугъа контроль этиу къауумуну къуллукъчулары 20 сентябрьде Малкада жашагъан 54-жыллыкъ ол эллини юйюн тинтгендиле.

Арбазда жатма тюбюнде кендирни кёкенлери табылгъандыла. Юйню иеси айтханнга кёре, ол аланы сатаргъа угъай да, кеси хайырланыргъа ёсдюргенди. Экспертиза ачыкълагъаннга кёре  табылгъан наркотикле марихуана бла кендирдиле.

Россейни МВД-сыны Зольск  районда Следственный бёлюмю ол адамны жууаплылыкъгъа тартып, УК-ны 228-чи статьясыны биринчи кесегине (Наркотиклени сатып алыу эм асырау) эмда 231-чи статьясыны биринчи кесегине (Наркотикли битимлени ёсдюрюу) кёре уголовный ишле ачханды, деп билдиреди КъМР-де Ич ишле министерствону пресс-службасы.