Жаш композитор бла тюбешиу

Бу кюнледе Мечиланы Кязим атлы республикалы жаш тёлю китапханада  колледжни Аталикова М.З.таматалыкъ этген ПДД41 къаууму  Россейни Композиторларыны  союзуну келечиси, кёп тюрлю халкъла аралы эм битеуроссей музыка конкурсланы лауреаты, СКГИИ-ни музыканы теориясына бла тарыхына юйретген кафедрасыны устазы, жаш композитор Малкъондуланы Ахмат бла тюбешиу къурагъандыла. Кесини «ConcertoGrosso» лекциясында Ахмат окъуучулагъа  музыканы бу жанрыны къуралыууну  юсюнден хапарлагъанды. 

Тюбешиуде ол  кесини «ConcertoGrosso» музыка чыгъармасы бла да окъуучуланы шагъырей этгенди. Аны къалай жазгъаныны юсюнден да  айтханды. Композиторланы чыгъармачылыкъ дунияларыны юсюнден сейир шартла да келтиргенди. Окъуучула бу тюбешиуге келгенлерине бек къууаннгандыла эмда жаш устаны чыгъармачылыкъ жолунда бийик жетишимлеге жетеригине ийнаннганларын билдиргендиле.