Жетишимли бакъгъанлары бла айырмалыла

6 сентября, 2024 - 12:20

КъМР-ни Саулукъ сакълау министерствосундан билдиргенлерича, жыл башланнганлы республикада 1054 рентгенэндоваскуляр операция этилгенди.  Ол Республиканы бийик технологиялы арасында бла Республиканы клиника больницасында жюреклери ишемия эм коронар аурууладан къыйналгъанлагъа этиледи.

Рентгенэндоваскуляр операция бийик технологиялы эм аялу опрециягъа саналады. Аны кезиуюнде адамны мыйысында, боюнунда, аякъларында тамырлагъа бир тешикчик этип, ичинде къан юйюшгенни кетерирге жарайды.  Ызы бла рентген-контролер малоинвазив амал бла къан иги барырча этиледи.

Бюгюнлюкде республикада онкологиядан къыйналгъанлагъа да химиоэмболизация амал барды. Ол опухольну къан бал жалчытхан тамырны жабаргъа болушады.

Малоинвазив операция, жыл санларына да къарамай, гитчеге, уллугъа да тап келишеди. Аны «Саулукъ сакълау» миллет проектге кирген «Жюрек-къан тамырла бла байламлы ауруулагъа къажау туруу» регион программагъа кёре ким да этдирирге боллукъду.

 

Бизни корр.
  • 14 просмотров
Поделиться: