Ток бла сылтаусуз жалчытылынырча

Быйыл «Россети Северный Кавказ» – «Каббалкэнерго» биригиуню кючю бла 250 километр чакълы бирде тюрлю-тюрлю класслы ток баргъан (ЛЭП) ызла жангыртыллыкъдыла. Ол санда 131 километрде тышларында изоляциялары (СИП) болгъанла тартыллыкъдыла.

Чыбыкъланы бу тюрлюлери не жаны бла да къыйматлыдыла. Адамгъа, жаныуаргъа эм объектлеге да бир тюрлю хата салмазча, къыйын хауа болумну кезиуюнде юзюлмезча эм ток да урланмазча ышангылыдыла. 

Ишлени кезиуюнде специалистле 2,3 минг тозурагъан чыпынны жангыларына алышырыкъдыла. Дагъыда 9,3 километрде буздан къоруулагъан трос тартыллыкъды.

- Комплексли ишле план бла игилендириу программаны чеклеринде бардырыладыла. Аны хайыры бла кюн иссиледе бла къыш сууукълада сылтаусуз электрокюч бла жалчытырча себеплик этерикди, - дейди «Каббалкэнерго» биригиуню таматасы Резуан Загаштоков.