Телеулени тынч амал бла

Тёлеулени къыйналмай «Россети Северный Кавказ» биригиуню телефонлада «Свет онлайн» приложениясы бла тамамларгъа онг барды. Ол санда эсеплеген приборну показанияларын компаниягъа жиберирге, борчну юсюнден эм башха заманлада тёлеуле да къачан этилгенлерин билирге жарайды. 

 Интернет бла кюреше билмегенле уа аны почтаны бёлюмлеринде эм энергокюч компанияны офислеринде комиссиясыз тамамларгъа боллукъдула.

Эсге сала айтсакъ, сагъынылгъан сервис ишлегенли республикада аны хайыры бла 78 минг абонент 85 миллион сом ётдюргендиле.

- Коллегаларымдан «Свет онлайн» приложенияны юсюнден билгенимден сора, созмай регистрацияны ётгенме. Ол не жаны бла да къыйматлы сервисди. Сёз ючюн, заманынгы тас этип, офисге ток ючюн тёлерге, квитанция алыргъа барыргъа керекмейди. Анда этилген операцияла сакъланып турадыла, бир затха ишекли болсанг, къарап билирге жарайды, - дейди абонентледен бири Эмма Хатухова.

Аны бла бирге «Россети Шимал Кавказ» компанияда хайырланылгъан электрокючню багъасын келир айны онунчусуна дери тёлерге кереклисин къайтарып эсгередиле. Анда айтханларыча, счётчикни кёргюзтюулерин да ай сайын 23-25 кюнледе алагъа сёлешип билдирирге керекди.

Бу жумушну «Свет онлайн» приложенияда, компанияны сайтында «Энчи кабинетде» (www.gp-lc.ru) неда «Сбербанк Онлайн» сервисде тамамларгъа боллукъду. Жерине барып тёлерге сюйгенлеге хайырланыучуланы жумушларына къарагъан Арала ишлейдиле. Ахчаны почтаны бёлюмлеринде кёчюрюрге да боллукъду.

Токну багъасы заманында тёленмесе, компания аны кесип кетерге эркинди. Борчну уа сюдге жиберип алай алыргъа боллукъдула.