Эки кюннге - онбир кере

Республиканы тийресинде орналгъан къызыу кюнле бла байламлы, къургъакъ кырдык жаннганы бла байламлы, от ёчюлтюучюлеге арт эки-юч кюнде 11 чакъырыугъа чыгъаргъа тюшгенди, деп билдиреди РФ-ни МЧС-ини КъМР-де  Баш управлениясыны пресс-службасы. Жылны аллындан бери уа ол кёрюмдю 481 кереге жетгенди.

Хар заманда да от тюшюу адам улуну хатасындан болады. Уллу кёллюлюк бла эссизлик туудургъан къыйын болумла адамланы жанларына да къоркъуу туудурадыла. Ургъан желле отну андан ары сюрюрге боладыла. Алай бла от аслам жер алып тебирейди.

Къургъакъ хансны жандырыу ючюн адамла административ жуууаплыкъгъа тартыладыла эм алагъа тазир салынады. Ол кёрюмдю 5 - 400 минг сом чакълыды.

 - От жашау журтлагъа да кёчерге болады. Аны себепли хар бирибиз да, ол затха эс бёлюп, сакълыкъны унутмазгъа борчлубуз, -дегенди РФ-ни МЧС-ини КъМР-де Баш управлениясыны пресс-службасыны таматасы Кантемир Беров.