Къыралны ичинде туризм айнырча

Премьер-министр Михаил Мишустинни башчылыгъында болгъан жыйылыуда «Туризм эм къонакъбайлыкъны индустриясы» деген жангыртылгъан миллет проектни 2030 жылгъа дери бардырыу сюзюлгенди, деп билдиредиле республиканы Курортла эм туризм министерствосундан.

Жангыртылгъан проект экинчи жылдан ишлеп башларыкъды, анга кёре туризм бла кюрешгенлеге учуз кредитле берилликдиле, регионлагъа туризмни айнытыргъа, модуль къонакъ юйлени ишлерге ахча бёлюнюрюкдю. Миллет проектге битеу да беш федерал проект кирликди: «Къонакъ юйлени, инфраструктураны эм адамла солургъа жыйылгъан жерлени ишлеу», «5 тенгиз эм Байкал кёл», «Туризмге ата журтлу продукция жарашдырыу», «Къырал туристлеге сейир болурча онгла къурау», «Туризмге кадрланы хазырлау». Курорт аралада жыл сайын 10 миллионнга дери адам солурча этерге да белгиленеди.

Ата журтлу производствону айнытыуну юсюнден айтханда, экскурсия, рейс эм круиз кемеле, турист автобусла, паркла бла гыллыучалагъа, тау-лыжа курортлагъа оборудование кесибизде ишленирикдиле, аны бла Россейни Промышленность эм сатыу-алыу министерствосу кюреширикди. «Къырал туристлеге сейир болурча онгла къурау» федерал проектни борчу уа Россейни туризмде онгларыны юсюнден тыш къыраллагъа билдирилликди, сора туризмде бир экосистема къураллыкъды.